Privacy Logic Group გთავაზობთ შემდეგი მომსახურების გაწევას:
წარმომადგენლობა სახელმწიფო ინსპექტორის სამსახურთან, სასამართლოსთან თუ სხვა ორგანოებთან ურთიერთობაში.
პერსონალურ მონაცემთა დაცვის აუდიტი - ორგანიზაციაში მონაცემთა დაცვის სტანდარტისა და შესაბამისი ორგანიზაციულ-ტექნიკური ზომების არსებობის შემოწმება/შეფასება როგორც მთელი ორგანიზაციისთვის, ასევე, კონკრეტული მიმართულებებისა და პროცესების მიხედვით, რისკებისა და მათი გადაწყვეტის გზების იდენტიფიცირება.
პერსონალურ მონაცემთა დაცვის მარეგულირებელი შიდაორგანიზაციული დოკუმენტების შექმნა - მონცემთა დაცვის საკითხების მომწესრიგებელ შიდა დოკუმენტების შემუშავება და მონაცემთა დაცვის წესების ინტეგრირება უკვე არსებულ საოპერაციო პროცედურებში (მაგ. მონაცემთა დაცვის ზოგადი პოლიტიკა, ადამიანური რესურსების მართვისას მონაცემთა დაცვის პოლიტიკა, მზა ჩანაწერების - cookies მართვის პოლიტიკა და ა.შ).
კონკრეტულ ბიზნეს სექტორსა თუ სპეციალობაზე მორგებული ტრენინგი - მონაცემთა დაცვის თემაზე როგორც ზოგადი, ისე სპეციალიზებული და კონკრეტული სფეროს პრობლემატიკას მორგებული სწავლება პრაქტიკული მაგალითისა და რეალური ქეისების გამოყენებით.
მონაცემთა დაცვის გარე ოფიცრის მომსახურება - თქვენ არ ქმნით პერსონალურ მონაცემთა დაცვის ოფისს, არ აგყავთ ცალკე თანამშრომელი და არ ხარჯავთ დიდ რესურსს, მაგრამ ხართ ლიდერი მონაცემთა დაცვის კუთხით. Privacy Logic Group-ის კვალიფიციური თანამშრომელი ან სპეციალისტთა გუნდის თქვენზეა მომაგრებული და აგვარებს თქვენს ორგანიზაციაში მონაცემთა დაცვის სფეროში წამოჭრილ პრობლემებს და კონკრეტულ საჭიროებებს.
პერსონალურ მონაცემთა ინვენტარიზაცია/ მეფინგი - მონაცემთა დამუშავების კანონთან შესაბამისობის აღწერა და ანალიზი, სქემატური ვიზუალიზაცია და პრობლემური არეების იდენტიფიცირება.
პირადი და დისტანციური კონსულტაცია პერსონალურ მონაცემთა დაცვის თემაზე - კონკრეტული და კვალიფიციური პასუხები მონაცემთა დაცვასთან დაკავშირებულ ნებისმიერი სირთულის საკითხზე.
პეროსნალურ მონაცემთა დაცვა საქართველოსთვის შედარებით ახალი თემაა, შესაბამისად, მონაცემთა დაცვის სპეციფიკა და მთელი რიგი საკითხები არათუ სხვადასხვა პროფესიის ადამიანებისთვის, ბევრი იურისტისთვისაც კი არ არის ნათელი. ძალიან მნიშვნელოვანია ორგანიზაციის შიგნით კონკრეტული ფუნქციების განმახორციელებელმა თანამშრომლებმა კარგად იცოდნენ მონაცემთა დამუშავების ზოგადი პრინციპები და საფუძვლები, გაცნობიერებული ჰქონდეთ საკითხის მნიშვნელობა, დააიდენტიფიცირონ პერსონალური მონაცემები და ა.შ., ამასთან, მნიშვნელოვანია თანამშრომლებს საკითხი აღქმული ჰქონდეთ კონკრეტულად მათ მიერ შესასრულებელ სამუშაოსთან, საკუთარ ამოცანებთან მიმართებით და ზოგადი ცოდნა უბრალოდ ინფორმაციის მიღების დონეზე არ დარჩეს მათთვის. მნიშვნელოვანია, კომპანიის თანამშრომლებმა გაიაზარონ მონაცემთა დამუშავების თითოეული პრინციპისა თუ საფუძვლის კონკრეტული მნიშვნელობა შესასრულებელი სამუშაოს სპეციფიკასთან მიმართებით.
Privacy Logic Group გთავაზობთ პერსონალურ მონაცემთა დაცვის თემაზე როგორც ზოგად, ისე სპეციალიზებულ (მაგ. HR სპეციალისტებისთვის, ფინანსური მენეჯერებისთვის, იურისტებისთვის და ა.შ) ან კონკრეტული სფეროს პრობლემატიკას (მაგ. საბანკო, სამედიცინო, ფარმაცევტული, საგანამანათლებლო და ა.შ) მორგებული სწავლებას, რომელიც აგებულია თეორიული ნაწილის გააზრებასა და კონკრეტული პრაქტიკული მაგალითების დეტალურ განხილვაზე. Privacy Logic Group გთავაზობთ მაღალკვალიფიციური ტრენერების მომსახურებას, რომლებსაც აქვთ მონაცემთა დაცვის საკითხებზე როგორც თეორიული, ისე პრაქტიკული მუშაობის რამდენიმეწლიანი გამოცდილება და რომლებიც მუდმივად იღრმავებენ ცოდნას მონაცემთა დაცვის საკთხებზე ქართული და საერთაშორისო პრაქტიკის თვალის დევნებითა და ანალიზით.